Sinopsis :
Islam teh Sunda, Sunda teh Islam. Lir ibarat uyah jeung asinna, gula jeung amisna. Eta kaayaan jeung kayakinan nu kalintang agungna, nu wajib dijaga, diriksa ku sakumna urang Sunda, ulah dugi ka pupus ku waktu, laas ku mangsa. Komo nyanghareupan sagala cucuk rungkang kahirupan jaman kiwari nu leuwih beurat alabatan jaman kamari. Urang Sunda kudu bisa ngajiga, ngajega, ngajaga, jeung ngajago dina sagala widang tur sagala mangsa. Keur ngupayakeunna, diperlukeun tarekah nu langkung anteb ti sakumna urang Sunda.
Buku Wejangan ti Paimbaran medar ngeunaan prak-prakan hutbah (fikih hutbah), materi praktis hutbah Juma’ah, Idul Fitri sareng Iduladha anu eusina patali sareng parentah jeung larangan Alloh, kumaha ngajaga, ngariksa hubungaan manusa jeung Alloh , manusa jeung manusa , sarta manusa jeung alam. Materi tiasa langsung dianggo hutbah sareng biantara ku para wargi sadaya, khususna para hotib oge mubaligh.
Judul hutbah Juma’ah anu dipidangkeun dina ieu buku :
1. Islam jeung Nasionalisme
2. Ngawangun Nagri Numutkeun Atikan Nabi
3. Ngubaran Panyakit Korupsi
4. Iman jeung Takwa Modal Ngawangun Bangsa
5. Sifat-Sifat jeung Kauntungan Jalma Takwa
6. Nanjeurkeum Kaadilan Bukti Takwa
7. Ulama jeung Umaro Kudu Ngahiji
8. Ukhuwah dina Persatuan Bangsa
9. Kawajiban Nyuprih Elmu
10. Ngajauhkeun Sikep Awuntah
Jeung genep hutbah Juma’ah lianna ditambah hutbah kadua.
Hutbah Idul Fitri aya dua judul ditambah hutbah kaduana, hutbah Iduladdha aya 2 judul ditambah hutbah kaduana
Pangjajap Buku :
“Eusina (ieu buku) patali sareng dadaran papagon biantara kaagamaan (hutbah), dilengkepan ku mutiara nasehat hutbah Juma’ah nu kalintang mundel, mutiara nasehat hutbah Idulfitri sareng Iduladha nu tiasa langsung dianggo hutbah sareng biantara ku para wargi sadaya hususna para hotib oge mubalig. Copelna bisa jadi tambahan bacaan urang sadaya.”
Prof. Dr. H.M. Didi Turmudzi, M.Si.
